Axuda económica destinada a cubrir gastos de desprazamentos fóra do domicilio habitual, cando a persoa con discapacidade ten grandes dificultades para utilizar, en por sí, servizos colectivos de transporte.
Contía
É fixada anualmente polo goberno.
Quen o pode solicitar?
Pódeno pedir as persoas que cumplan cos siguientes requisitos:
- Ter tres ou máis anos
- Ter recoñecido Grao de discapacidade igual ou superior ao 33%
- Ter unha grave dificultade para utilizar transportes colectivos
- Non atoparse imposibilitado para desprazarse fóra de casa.
- Non estar comprendido no campo de aplicación do sistema da Seguridade Social por non desenvolver actividade laboral.
- Non ser beneficiario ou non ter dereito, por idade ou por calquera outras circunstancias a prestación ou axuda de análoga natureza e finalidade e, no seu caso, de igual ou superior contía outorgada por outro organismo público.
- Non superar o nivel de recursos económicos persoais e/ou familiares do 70% , en cómputo anual do IPREM, vixente en cada momento. No caso de que a persoa beneficiaria teña persoas ao seu cargo ou dependa dunha unidade familiar, o devandito importe incrementarase nun 10%, por cada membro distinto do beneficiario até o tope máximo do 100% do citado salario.
Como se realiza a tramitación?
Para realizar o trámite dende o Departamento municipal de Servizos Sociais do concello de Santiago de Compostela, débese pedir CITA PREVIA co/coa profesional de Traballo Social do PASS que corresponda segundo domicilio de residencia.
O día da cita é aconsellable aportar a seguinte documentación necesaria para a súa tramitación.
Documentación
- Copia do DNI ou NIE da persoa solicitante, só no caso de non autorizar a súa consulta.
- Copia do DNI ou NIE das persoas que integran a unidade familiar, só no caso de non autorizar a súa consulta no Sistema de verificación de datos de identidade no Anexo II.
- Certificado de residencia da persoa solicitante e das persoas que integran a unidade familiar, só no caso de denegar a súa consulta.
- Certificado de convivencia, só no caso de denegar a súa consulta.
- Certificado das prestacións e importes que figuran no Rexistro de Prestacións Sociais Públicas da persoa solicitante e das persoas que integran a unidade familiar, só no caso de denegar a súa consulta.
- Copia do certificado de discapacidade ou solicitude de revisión do grao da persoa solicitante, cando proceda e só no caso de non autorizar a súa consulta ou cando este fora emitido por outra comunidade autónoma.
- Copia do título de discapacidade ou solicitude de revisión do grao das persoas que integran a unidade familiar, cando proceda e só no caso de non autorizar a súa consulta no Anexo II ou cando este fora emitido por outra comunidade autónoma.
- Copia da declaración da renda ou datos fiscais relativos ao último exercicio da persoa solicitante e das persoas que integran a unidade familiar, só no caso de denegar a súa consulta.
Data
En plazo
