Ofrece un conxunto de atencións ás persoas no seu domicilio para facilitar o seu desenvolvemento e a permanencia no seu entorno habitual, cunha boa calidade de vida.
Atencións que ofrece:
- Atencións de carácter persoal: asistencia para levantarse e deitarse, tarefas de coidado e hixiene persoal, vestiario, apoio na alimentación, apoio para mobilizacións e/ou apoio a persoas afectadas por problemas de incontinencia.
- Atencións de carácter doméstico e da vivenda: limpeza e mantemento básico, compra de alimentos e produtos de uso común, preparación de alimentos e/ou lavado e coidado de roupa e enxoval doméstico.
- Acompañamento persoal na realización doutras actividades necesarias da vida diaria: como apoio en trámites urxentes de carácter administrativo, xudicial, sanitario, etc.
- Atencións de carácter psicosocial e educativo enfocadas ao desenvolvemento das capacidades persoais básicas, á mellora da convivencia, integración na comunidade e mellora da estrutura familiar.
- Servizos de carácter complementario: préstamos de axudas técnicas, podoloxía e/ou perruquería.
Unha vez garantido o nivel básico de atención poderá incorporar ademais actuacións complementarias dos seguintes tipos:
- Actividades de acompañamento, socialización, e desenvolvemento de hábitos saudables.
- Servizo de préstamo de axudas técnicas ou produtos de apoio para persoas en situación de dependencia ou dependencia temporal.
- Adaptacións funcionais do fogar.
- Servizo de podoloxía.
- Servizo de fisioterapia.
- Terapia ocupacional.
Custo do Servizo
As persoas beneficiarias do servizo realizarán unha aportación económica ao custo do servizo en función da capacidade económica da unidade de convivencia da persoa solicitante, segundo a seguinte táboa
| Capacidade económica da unidade de convivencia da persoa solicitante | Participación no custe do servizo % prezo hora do servizo |
|---|---|
| Menor de 0,80 IPREM | 0% |
| Maior de 0,80 e menor ou igual a 1 IPREM | 10% |
| Maior de 1 e menor ou igual a 1,25 IPREM | 15% |
| Maior de 1,25 e menor ou igual a 1,50 IPREM | 20% |
| Maior de 1,50 e menor ou igual a 1,75 IPREM | 30% |
| Maior de 1,75 e menor ou igual a 2 IPREM | 40% |
| Maior de 2 e menor ou igual a 2,25 IPREM | 60% |
| Maior de 2,25 e menor ou igual a 2,50 IPREM | 70% |
| Maior de 2,50 IPREM | 90% |
Quen o pode solicitar?
Vai dirixido ás persoas con déficits de autonomía, con discapacidade, especialmente cando carezan de apoio persoal no seu contorno inmediato, así como a fogares con menores en que se observe a necesidade dunha intervención socioeducativa
Requisitos específicos
- Estar empadroado e residir no municipio de Santiago de Compostela.
- Presentar a documentación esixida.
- Ser valorado como recurso idóneo a aplicar pola unidade técnica de Servizos Sociais.
Como se realiza a tramitación?
Para realizar o trámite dende o Departamento municipal de Servizos Sociais do concello de Santiago de Compostela, débese pedir CITA PREVIA co/coa profesional de Traballo Social do PASS que corresponda segundo domicilio de residencia.
O día da cita é aconsellable aportar a seguinte documentación necesaria para a súa tramitación.
Documentación
- Solicitude BS022
- DNI/NIE da persoa interesada e dos restantes membros da unidade de convivencia maiores de idade (obrigatoria)
- Tarxeta sanitaria das persoas susceptibles de ser beneficiarias do servizo
- Informe das condición de saúde
- Resolución de discapacidade e/ou dependencia (de selo caso)
- Xustificantes de ingresos económicos de tódolos membros da unidade de convivencia procedentes de salarios, pensións, subsidios e/ou outros bens que posúan, por medio dalgunha da seguinte documentación: xustificante de pensión, prestación, subsidio, nómina, …
- Xustificante de estar en situación de desemprego e de percepción ou non de prestacións, de ser o caso
- Declaración da renda, ou no seu caso certificado negativo de imputacións do IRPF, no caso de non autorizar a súa consulta
- Declaración de patrimonio, no caso de non autorizar a súa consulta, ou xustificante do valor catastral do patrimonio (recibo de IBI), no caso de non autorizar a súa consulta.
- Xustificante do número de conta bancaria, con IBAN e a identificación da persoa titular
- Documentación de representación de ser o caso: Documento de identidade de representante; Acreditación de representación
As solicitudes deberán ser valoradas por un/ha traballador/a social dos Servizos Sociais comunitarios do concello que, determinará a idoneidade do servizo, así como a intensidade recomendable para cada caso concreto.
Unha vez valorada a pertinencia do recurso, asinarase un acordo de servizo entre a persoa usuaria e os Servizos Sociais, no cal se recollerá o contido particular das atencións que se prestarán, a programación temporal da prestación, a intensidade horaria e os compromisos de ambas as partes, incluíndo o compromiso de copagamento que corresponda
Data
En prazo
