Promove a inserción social e laboral das persoas pertencentes a colectivos en risco de exclusión, mediante o desenvolvemento de procesos individualizados e integrais de inserción.
O programa articulase sobre a elaboración de itinerarios integrais de inserción sociolaboral que, tomando como punto de partida a corresponsabilidade das persoas beneficiarias, contemple o desenvolvemento de estratexias individuais no seu proceso de incorporación ao mercado laboral.
Os servizos que ofrece articúlanse en tres eixos principais:
- Información e orientación.
- Formación: de adultos, prelaboral, e acceso a formación ocupacional.
- Mediación para o acceso ao mercado de traballo.
Que servizos ofrece?
- Promóvese un traballo coordinado e en rede co dispositivo autonómico con competencias específicas de vivenda, co fin de canalizar necesidades sociais e propiciar a integración da veciñanza no contorno comunitario.
- Información e canalización do acceso á oferta formativa e laboral existente na cidade.
- Formación de adultos e prelaboral: Mellora da empregabilidade a través de dúas vías:
- Formación para a superación de diversas probas oficiais (competencias clave, acceso a ciclos, Graduado en ESO…)
- Formación para o fortalecemento das habilidades persoais, profesionais e relacionais, que incrementen a competencia social, persoal e laboral.
- Orientación sociolaboral: Contempla dúas liñas de traballo: a formación e adestramento nas técnicas de busca de emprego, así como o coñecemento das características do mercado laboral e das canles de acceso ao emprego.
- Mediación e seguemento para o acceso ao mercado de traballo, a través dunha bolsa de emprego, así como da sensibilización e asesoramento sobre boas prácticas de contratación á empresa contratante durante o desenvolvemento da relación laboral.
Quen pode solicitar a súa participación?
Persoas residentes no municipio de Santiago de Compostela perceptoras ou potencial beneficiarias da RISGA ou da Renda Municipal de Garantía básica cidadá (ambas directa ou indirectamente, e con proxecto laboral), así como persoas en situación de vulnerabilidade ou risco de exclusión social valorado polos servizos sociais municipais. Entre os indicadores a valorar pódense citar:
- Carencia continuada de recursos económicos para afrontar as necesidades básicas
- Mulleres desempregadas en situación de cargas familiares non compartidas
- Persoas en risco de desafiuzamento e/ou con vivendas precarias
- Persoas paradas de longa duración (prioritariamente mulleres)
- Persoas desempregadas integrantes de unidades familiares nas que ningún membro estea percibindo retribucións ou prestación algunha…
Requisitos específicos
Para participar no programa é preciso a derivación por parte das traballadoras sociais municipais, ou profesionais de calquera dos programas da Concellaría (Servizo de educación e apoio familiar, programa de apoio á inclusión residencial, programa de apoio á inclusión das persoas sen fogar, Unidades de Traballo Social, entre outros).
Excepcionalmente, valorarase tamén a participación de persoas derivadas doutros servizos e/ou institucións, tras unha valoración da situación persoal e/ou familiar.
Como se realiza a tramitación?
Para participar no programa débese pedir CITA PREVIA co/coa profesional de educación familiar do programa ou co profesional de Traballo Social do PASS que corresponda segundo domicilio de residencia, para que este faga a valoración pertinente en relación a súa inclusión no programa.
Prazo
En calquera momento.
