Que servizos ofrece?
É un programa dirixido á Intervención específica coas persoas en situación de senfogarismo en Santiago de Compostela, coa finalidade de dotalas de recursos para recuperar a autonomía persoal e a inclusión social, dende o respecto á diferencia.
Recursos/atencións
- SEMUS Compostela: Servizo Municipal de Atención en Emerxencias Sociais. Servizo, conveniado con Cruz Vermella, que atende os 365 días do ano, as persoas que se atopen en situación de necesidade ou urxencia social. Se queres máis información entra neste enlace.
- Programa de pensións: programa conveniado con Cruz Vermella, que pretende ofrecer aloxamento ás persoas en situación de senfogarismo, que se incorporan a un itinerario de inclusión social asinado con ambas entidades (Cruz Vermella e Servizos Sociais).
- Vivendas de transición: o concello de Santiago de Compostela dispón de catro vivendas de transición, cunha xestión indirecta, a través de convenios de colaboración asinados con entidades sociais da cidade.
O concello de Santiago de Compostela mantén unha liña de colaboración coas principais entidades sociais da cidade, a través da firma de Convenios de colaboración, co obxecto de garantir prestacións básicas de aloxamento, alimentación e cobertura de demais necesidades primarias . Se queres máis información entra neste enlace.
Quen o pode solicitar?
As persoas que se atopen nunha situación de senfogarismo no termo municipal de Santiago de Compostela.
Como se realiza a tramitación?
Pódese acceder ao programa por dúas vías, a través da solicitude directa da persoa interesada nos servizos sociais municipais para o que debe pedir CITA PREVIA co/coa profesional de Traballo Social ou cos profesionais das entidades sociais do municipio.
Prazo
En calquera momento.
