Prestación económica individual de carácter periódico (mensual) que asegura a tódalas persoas en situación de invalidez e en estado de necesidade unha prestación económica, asistencia médico-farmacéutica gratuíta e servizos socias complementarios, aínda que non se teña cotizado ou se cotizara de xeito insuficiente para acadar o dereito a unha pensión contributiva.
Contía das axudas
É fixada anualmente polo goberno e varían segundo a capacidade económica da persoa e da súa unidade de convivencia. Máis información no Punto de Atención de Servizos Sociais que corresponda por zona de residencia.
Quen o pode solicitar?
- Cidadáns españois e nacionais doutros países, con residencia legal en España que cumpren os seguintes requisitos:
- Ser maior de idade e menor de 65 anos.
- Residir legalmente en territorio español polo menos 5 anos dende que naceu dos cales 2 deben ser consecutivos e inmediatamente anteriores á data da solicitude.
- Persoas nacionais da Unión Europea que totalicen o período de residencia mencionado no apartado anterior no territorio de calquera estado membro.
- Ter unha discapacidade ou enfermidade crónica en grao igual ou superior ao 65%.
- Carecer de rendas ou ingresos suficientes inferiores ao importe da pensión.
- Que os ingresos ou rendas da unidade de convivencia non superen o límite de acumulación de recursos computado do seguinte xeito:
- Solicitante que vive con familiares unidos por matrimonio ou parentesco de consanguinidade de segundo grao: o límite equivale á contía, en cómputo anual, da pensión máis o resultado de multiplicar o 70% desta polo nº de convivintes menos un.
- Solicitante que vive con familiares de primeiro grao de consanguindade: o límite equivale á contía calculada anteriormente multiplicada por 2,5.
Como se realiza a tramitación?
Para realizar o trámite dende o Departamento municipal de Servizos Sociais do concello de Santiago de Compostela, débese pedir CITA PREVIA co/coa profesional de Traballo Social do PASS que corresponda segundo domicilio de residencia.
O día da cita é aconsellable aportar a seguinte documentación necesaria para a súa tramitación.
Documentación
- Copia do DNI ou NIE da persoa solicitante, só no caso de non autorizar a súa consulta.
- Copia do DNI ou NIE das persoas que integran a unidade familiar, só no caso de non autorizar a súa consulta no Sistema de verificación de datos de identidade no Anexo II.
- Certificado de residencia da persoa solicitante e das persoas que integran a unidade familiar, só no caso de denegar a súa consulta.
- Acreditación de residir legalmente en España durante cinco anos, dos cales dous serán inmediatamente anteriores á data da solicitude.
- Certificado de convivencia, só no caso de denegar a súa consulta.
- Certificado das prestacións e importes que figuran no Rexistro de Prestacións Sociais Públicas da persoa solicitante e das persoas que integran a unidade familiar, só no caso de denegar a súa consulta.
- Copia do título de discapacidade ou solicitude de revisión do grao da persoa solicitante, cando proceda e só no caso de non autorizar a súa consulta ou cando este fora emitido por outra comunidade autónoma.
- Copia do título de discapacidade ou solicitude de revisión do grao das persoas que integran a unidade familiar , cando proceda e só no caso de non autorizar a súa consulta no Anexo II ou cando este fora emitido por outra comunidade autónoma.
- Copia da declaración da renda ou datos fiscais relativos ao último exercicio da persoa solicitante e das persoas que integran a unidade familiar, só no caso de denegar a súa consulta.
Prazo
En prazo
