Que servizos ofrece?
Ofrece unha achega económica, para a adquisición dun servizo privado cando non sexa posible ser prestado mediante oferta pública da rede de servizos sociais de atención á dependencia.
O servizo ao que se vai vincular a libranza debe prestarse a través de centro ou servizo debidamente acreditado para a atención á dependencia.
Quen o pode solicitar?
Persoas que teñan recoñecido unha situación de dependencia en calquera dos seus graos.
Como se realiza a tramitación?
Para realizar o trámite dende o Departamento municipal de Servizos Sociais do concello de Santiago de Compostela, débese pedir CITA PREVIA co/coa profesional de Traballo Social do PASS que corresponda segundo domicilio de residencia.
O día da cita é aconsellable aportar a seguinte documentación necesaria para a súa tramitación.
Documentación
Se a persoa beneficiaria estivera recibindo o servizo durante a elaboración da proposta do Plan individualizado de atención (PIA) deberá presentar:
- Certificado do nº de conta bancaria en que figure a persoa en situación de dependencia e, se é o caso, o/a titor/a ou o/a representante, coma persoa titular.
- Contrato asinado por ambas as dúas partes ou certificado do centro que acredite a data de acceso ao servizo e, no caso dos servizos de atención diúrna e de SAF, o número de horas/mes de atención.
- Orixinal das facturas emitidas pola entidade prestadora dos servizo, así como do pagamento efectivo destas.
No caso de non estar recibindo o servizo durante a elaboración do PIA:
- Certificado do nº de conta bancaria en que figure a persoa en situación de dependencia e, se é o caso, o seu titor/representante, como titular.
- Orzamento emitido pola entidade prestataria do servizo que se vai contratar. Posteriormente á notificación da resolución pola que se aprobe o PIA, o/a interesado/a ou o/a representante deberá acreditar a contratación efectiva dese mesmo servizo no prazo máximo de 30 días naturais desde o día seguinte á notificación da resolución do PIA.
Prazo
En calquera momento.
