Que servizos ofrece?
Este servizo concrétase na entrega de produtos de primeira necesidade:
- Alimentos non perecedoiros
- Alimentos perecedoiros
- Produtos de hixiene persoal
- Productos para a hixiene da vivenda,
- Roupa e enseres para a casa
- Vestiario persoal
- Outros …
A adquisición destes enseres sempre será realizada por persoal do Departamento municipal de Servizos Sociais.
Quen o pode solicitar?
Persoas ou familias, de xeito puntual, que se atopen nunha situación de emerxencia ou de urxencia social, cunha situación económica deficitaria.
Considérase situación económica deficitaria aquela que teñan ingresos inferiores ao Salario Mínimo Interprofesional, incrementado nun 10% por cada membro adicional da unidade de convivencia.
Como se realiza a tramitación?
Para efectuar esta tramitación é necesario que concerte cita previa co teléfono de CITA PREVIA de Servizos Sociais.
Acuda ao Punto de Atención de Servizos Sociais que corresponda polo domicilio con cita previa.
Os profesionais valoran individualmente cada situación e apoian na tramitación da axuda e viabilidade do servizo.
Documentación
É aconsellable levar a documentación da que se dispoña, relacionada coa xestión que se queira facer e un documento identificativo (DNI, NIE, Pasaporte …)
