No día de hoxe tiveron lugar na Casa de Asociacións de Benestar Social (CABES) dúas sesións explicativas sobre as bases que rexen a vindeira convocatoria das bolsas municipais para sufragar gastos de comedor escolar, actividades extraescolares e material escolar. As xornadas estiveron a cargo das educadoras familiares municipais pertencentes ao Servizo municipal de educación e apoio escolar. Preto de 60 persoas acudiron a esta acción informativa.
Igualmente cómpre ter presente que, coa mesma finalidade, para a poboación xeral interesada, habilitáronse puntos de información no Departamento Municipal de Servizos Sociais (Rúa Isaac Díaz Pardo 2-4 – zona Galeras), os días 13,16,17,19,20, 23 e 24 de xuño dos correntes, en horario de 9:00 a 13:00 horas.