O alumnado de segundo curso do Grao en Educación Social da USC, visitou os Servizos Sociais comunitarios do Concello de Santiago para coñecer o servizo de educación e apoio familiar e a figura profesional da educación social neste departamento. As docentes Carmen Morán e Laura Varela acompañaron neste encontro o seu alumnado da materia de Educación Social, Servicios Sociales e Iniciativa Ciudadana.
As técnicas do PASS CABES, Sandra Ferreño, e do PASS Fontiñas, Margarita Vázquez, fixeron unha presentación das funcións a desenvolver polo educador/ra social nos Servizos Sociais. Para a presentación do traballo comunitario que se desenvolve dende ambas redes, contaron coa colaboración de Milagres Budiño de Arela e de Luqui Igrexas do Plan comunitario de Vite.
