No día de hoxe tivo lugar unha nova sesión do programa municipal “En familia, todos contan!”. Trátase dun programa deseñado e implementado polas propias profesionais do servizo municipal de Educación e Apoio Familiar, dirixido a familias con menores ao seu cargo con idades comprendidas entre os 12 e os 16 anos.
Na sesión do día de hoxe, impartida pola educadora familiar do PASS Galeras e pola psicóloga do servizo, traballáronse aspectos relacionados coa área da saúde.
Servizo Municipal de Urxencias Sociais do Concello de Santiago de Compostela
Servicio 365 días do ano
Horario
Luns a venres de 15:00 a 8:00 h. e as 24 horas dos días non laborables.
Teléfono
112 Emerxencias
981 54 23 23 Policía Local
É o Servizo Municipal de Urxencias Sociais de Concello de Santiago. Ofrece unha atención especializada de xeito inmediato ás persoas que, de forma imprevista, se atopen en situación de vulnerabilidade social. Os obxectivos son complementar a atención dos Servizos Sociais Municipais nos horarios nos que estes non están operativos, así como apoiar o labor realizado pola Policía Local, Bombeiros e Protección Civil cando no desenvolvemento das súas función se presenten problemáticas sociais que requiran inmediatez e sistemas especializados de resposta.
Pode ser activado por:
-Calquera cidadán que observe unha situación de vulnerabilidade ou desprotección nunha persoa.
-A persoa que se sinta en situación de desprotección ou vulnerabilidade social.