Programa municipal de inclusión residencial

Que servizos ofrece?

Este programa ofrece información, orientación técnica e acompañamento no acceso á vivenda, para persoas en situación de vulnerabilidade social.
Dende os Servizos Sociais se fará unha análise global da situación sociofamiliar, establecendo os ámbitos de intervención e as liñas a seguir, que deberán quedar reflictidas nun proxecto de intervención social.

Obxectivo

Favorecer o acceso a unha vivenda digna, como factor imprescindible para a mellora da calidade de vida, a través de procesos participacitivos e colaborativos entre todos os axentes socias implicados no marco da garantía dun dereito constitucional.

Recursos/atencións

1. A través do traballo coordinado co Instituto Galego de Vivenda e Solo.
   • Promóvese un traballo coordinado e en rede co dispositivo autonómico con competencias específicas de vivenda, co fin de canalizar necesidades sociais e propiciar a integración da veciñanza no contorno comunitario.
2. A Intervención con familias en situación ou en risco de desafiuzamento proporciona:
   • Orientación e información sobre os procedementos de actuación ante os procesos de desafiuzamento
   • Adquisición das destrezas e competencias persoais e sociais que eviten procesos de desafiuzamento
   • Apoio e acompañamento na busca dunha vivenda alternativa.
   • Promover a adquisición por parte das familias das habilidades necesarias para a vida diaria autónoma nunha vivenda normalizada.
3. Na Intervención socioeducativa na área da vivenda fanse actuacións que:
   • Favorecen o desenvolvemento persoal a través do cumprimento da función social das vivendas.
   • Estimulan procesos de rexeneración e a cohesión social
   • Promoven intervencións integrais, multidisciplinares e complementarias que permitan abordar as situacións de infravivenda.
   • Sensibilizan ás familias sobre a importancia que ten a vivenda no seu proceso vital, reflexionando sobre as consecuencias prexudiciais para o desenvolvemento persoal e social das persoas que integran a unidade de convivencia o feito de habitar nunha infravivenda.
   • Facilitan o acceso das familias en situación de vulnerabilidade aos recursos existentes para a busca dunha vivenda que posúa unhas condicións mínimas de habitabilidade.
   • Promoven a adquisición por parte das familias das habilidades necesarias para a vida diaria autónoma nunha vivenda normalizada.
   • Promoven as condiciones necesarias para garantir o dereito constitucional a unha vivenda digna e adecuada, facilitando o acceso ó mercado de vivenda e evitando problemáticas como o amontoamento, a infravivenda ou as situacións que vivendas as persoas sen teito.
4. Apoio económico para o pago de determinados aspectos relacionados coa vivenda e convenios de colaboración con diferentes entidades sociais da cidade co fin de:
   • Contribuír a evitar situacións de desafiuzamento e/ou de conflitividade veciñal.
   • Favorecer a estabilidade persoal e familiar.
   • Contribuír a garantir condicións de vida digna á cidadanía.

O Concello de Santiago de Compostela, xunto con Ames e Teo, teñen asinado un protocolo específico para a prevención de desafiuzamentos e atención das persoas afectadas. O protocolo reflicte a disposición municipal de promover, no ámbito das súas competencias, as medidas que estean ao seu alcance e que contribúan a defender o dereito a unha vivenda digna e adecuada para todas as veciñas e veciños.

A través deste protocolo, preténdese completar as accións recollidas no Convenio de colaboración asinado no ano 2013 entre o Consello Xeral do Poder Xudicial, a Xunta de Galicia e a Federación Galega de Municipios e Provincial (FEGAMP) para a detección de supostos de vulnerabilidade.

Os ámbitos de actuación deste protocolo xiran en torno as seguintes áreas:

1. Promoción do dereito á vivenda e prevención de situacións de desafiuzamento
2. Mediación e acompañamento
3. Protección

Dende cada unha delas desenvolvemos as seguintes accións:

1. Promoción do dereito á vivenda e prevención de situacións de desafiuzamento
   • Detección precoz de familias que non poden facer fronte a prést. hipotecarios ou rendas de aluguer
   • Asesoramento en materia de alugueiros
   • Información sobre asociaacións de persoas afectadas e sobre asociacións de consumidores/as
   • Promoción de formación básica financieira e sobre consumo e compra responsables
   • Información directa sobre existencia deste protocolo.
2. Mediación e acompañamento
   • Análise de cada caso de forma individual e integral
   • Intermediación profesional
3. Protección
   • Mediacións e acompañamento
   • Apoio psicosocial en todo o proceso