É un complemento de pensión dirixido a persoas beneficiarias de Pensións non contributivas de xubilación e invalidez que carezan de vivenda en propiedade e residan de forma habitual nunha vivenda alugada como titular do contrato, sempre que o propietario daquela non teña relación de parentesco co/coa pensionista ata o terceiro grao.
Contía da axuda
É fixada anualmente polo goberno
Obxectivo
Axudar ao pago do alugueiro a persoas perceptoras de Pensións non Contributivas
Quen o pode solicitar?
Persoas beneficiarias de Pensións non contributivas de xubilación e invalidez que carezan de vivenda en propiedade e residan de forma habitual nunha vivenda alugada como titular do contrato, sempre que o propietario daquela non teña relación de parentesco co/coa pensionista ata o terceiro grao e teñan unha vixencia mínima do arrendamento dun ano.
Requisitos específicos
- Ter recoñecida unha PNC de xubilación ou invalidez na data da solicitude e na de resolución.
- Carecer de vivenda en propiedade.
- Ser titular do contrato de arrendamento da vivenda na data da solicitude.
- Non ter coa persoa arrendadora da vivenda alugada relación conxugal ou de parentesco ata o 3º grao nin constituír con aquel unión estable e de convivencia con análoga relación de afectividade conxugal .
- Ter fixada a súa residencia habitual na vivenda alugada.
Como se realiza a tramitación?
Para realizar o trámite dende o Departamento municipal de Servizos Sociais do concello de Santiago de Compostela, débese pedir CITA PREVIA co/coa profesional de Traballo Social do PASS que corresponda segundo domicilio de residencia.
O día da cita é aconsellable aportar a seguinte documentación necesaria para a súa tramitación.
Documentación
- Copia do contrato de arrendamento en vigor. Se non existe contrato de arrendamento escrito, a condición de arrendatario xustificarase por outro medio de proba válido en dereito, sempre que este acredite a localización da vivenda, que debe coincidir coa residencia habitual do pensionista
- dentificación do arrendador e do arrendatario, con indicación do nome e apelidos, NIF e domicilio de ambos.
Data
En prazo
