María Rozas reivindica un “novo modelo económico que priorice as persoas” nos VII Premios CEGASAL

A tenenta de alcaldesa, María Rozas, participou no acto de entrega dos VII Premios CEGASAL a administracións, empresas, e profesionais dos medios de comunicación que demostraron un fime compromiso coa inclusión laboral das persoas con discapacidade e cos Centros Especiais de Emprego sen ánimo de lucro. Na súa intervención, a concelleira lembrou que “queda un longo camiño que percorrer, porque só o 35% das persoas con discapacidade en idade laboral en España son poboación activa e só o 28,5% teñen un traballo“. María Rozas lembrou o compromiso do Concello de Santiago neste sentido e tamén a firme aposta do Goberno pola Economía Social, “polas iniciativas que demostran que a actividade económica pode ser rendible e socialmente xusta“.