A alcaldesa, a concelleira de Dereitos e Servizos Sociais e membros da corporación municipal asistiron no día de hoxe ao acto conmemorativo do 600 aniversario da chegada do Pobo Xitano á Península Ibérica. No acto, que tivo lugar no Teatro Principal, a rexedora compostelá agradeceulles o seu contributo á diversidade: “Que este 600 aniversario sirva para que a nosa cidade siga a ser camiño, encontro e fogar. Que a luz de Compostela, esa luz que non é só física, senón moral e colectiva, continúe a alumear o camiño de todos os pobos que a habitan”.
Durante o acto proxectouse a curtametraxe “O bo rei”, entregouse un diploma ás mozas e mozos do programa Promociona, e actuou o grupo “Tacón gitano”.
Trasladar o recoñecemento do departamento municipal de Servizos Sociais pola labor realizada durante anos no noso municipio e pola súa activa participación nas diferentes redes de intervención comunitaria!.