Convenios

Este proxecto nace pola necesidade de ofrecer un servizo de terapia non farmacolóxica á poboación, como unha forma de previr o deterioro cognitivo grave.

O obxectivo é facilitar estimulación cognitiva, funcional e social a persoas con deterioro cognitivo moi leve ou sen deterioro a través de actividades específicas programadas por técnicos especializados.

Hai actividades de estimulación cognitiva grupal, nas que se traballa a atención, a memoria, a linguaxe e outras funcións executivas; de estimulación funcional, nas que se traballan a psicomotricidade, a xerontoximnasia e as actividades básicas da vida diaria; e actividades lúdicas e de interacción social.

Persoas participantes:

• Persoas que sofren algún tipo de deterioro cognitivo propio da idade, podendo participar nel a partir dos 55 anos.
• O último ano beneficiáronse das actividades deste convenio aproximadamente 30 persoas.

Trátase de ofrecer actividades/saídas de fin de semana, e actividades socioculturais, a diferentes localidades de Galicia, co fin de favorecer as relacións familiares, xa que asegurando períodos de descanso, as familias poden contrarrestar a fatiga e o estrés ocasionado polo coidado da persoa participante.

O obxectivo último é que as persoas participantes adquiran unha serie de habilidades e destrezas para a vida cotiá e esto redunde nunha diminución de recaídas (hospitalizacións psiquiátricas) e aumento da súa calidade de vida, autonomía e independencia.

Persoas participantes

Aspanaes persegue o empoderamento das persoas con TEA seguindo o modelo de calidade de vida e traballando cas familias.

O obxectivo deste proxecto e acompañar ás familias de persoas con Trastorno de Espectro Autista (TEA) no seu proxecto de vida, partindo dos seus propios recursos e fortalezas, atendendo as súas necesidades e demandas, e facilitando os apoios necesarios para mellorar a súa calidade de vida e benestar.

Persoas participantes

O último ano beneficiáronse deste proxecto 50 persoas con trastorno de espectro autista (TEA), de 0 a 21 anos de idade, e familias da zona xeográfica de Santiago de Compostela

O Proxecto de Vida Independente “Isto é Vida” está deseñado para capacitar ás persoas coa Síndrome de Down ou discapacidade intelectual para vivir no seu propio fogar, a planificar o seu futuro e a realizar os seus proxectos de vida.

Actualmente os usuarios e usuarias participan en estancias curtas que xeran experiencias de vida independente na que o grupo se responsabiliza de establecer unhas normas de convivencia baseadas no respecto e a participación activa dentro do fogar e a contorna comunitaria.

Na vivenda de Fontiñas, en cesión por parte do IGVS da Xunta de Galicia, as persoas usuarias, coa supervisión e apoio de profesionáis, desenvolven as diferentes tarefas domésticas que conleva a xestión dun fogar.

O obxectivo e abrir as posibilidades das persoas, ofrecéndolles a elas e ás súas familias outras opcións de vida fóra do fogar familiar o dun centro residencial.

Persoas participantes:

Persoas pertencentes á Fundación Down Compostela, coa síndrome de Down ou discapacidade intelectual maiores de 18 anos con certificado de discapacidade igual ou superior o 33% e que cumpran os seguintes requisitos:

• Motivación por parte da persoa beneficiaria, sendo ela mesmas quen manifeste o desexo de participar.
• Condicións previas que favorezan o desenvolvemento a nivel de autonomía persoal.
• Predisposición da familia a colaborar no proxecto.

A USC ten en Odontoloxía o único Centro público de Galiza onde se fan tratamentos bucodentais integrais. Dende hai décadas, unha boa parte da súa actividade clínica está orientada a colectivos con dificultades de acceso aos coidados odontolóxicos.
A través deste convenio de colaboración a USC e o Concello de Santiago de Compostela pretenden abordar esta problemática en todas as súas dimensións: facer un traballo de educación sobre saúde bucodental nas persoas beneficiarias (identificación de actitudes de risco, instauración de medidas preventivas), tratamento de dentes susceptibles de poder ser conservados mediante técnicas odontolóxicas básicas, e restitución de dentes perdidos con próteses dentais acrílicas removibles. A boa saúde dental mellorará a capacidade de comer ou falar, a autoestima e as relacións sociais, favorecendo a integración e a inserción social e laboral.

Persoas participantes

As persoas en situación de risco de exclusión teñen dificultades evidentes para acceder a este tipo de coidados. O catálogo de prestacións do sistema público é moi reducido e case limitado á realización de exodoncias. En consecuencia este colectivo sofre un progresivo deterioro da súa saúde bucodental.

O obxectivo é prestar atención e apoio a familias con menos con enfermedades de longa duración, crónicas ou termináis.

A intervención psicoterapéutica con estas unidades familiares é feita en tres planos diferentes:

• Intervención directa con nenas e nenos que padecen doenzas que lles permiten beneficiarse de asistencia terapéutica.
• Intervencións de terapia individual e/ou familiar, coos membros das familias afectadas, para facer fronte as dificultades particulares.
• Intervencións grupais coa finalidade de que manter aberto un grupo aberto de apoio emocional para todos os membros das familias con nenos ou nenas con enfermidades de longa duración.

Persoas participantes

50 persoas (nais, pais, fillos, irmáns) agrupadas en 20 familias, con menores entre os 10 meses e os 18 anos.

Este proxecto pretende dar resposta as medidas de asesoramento Xurídico encadradas no Protocolo Municipal de actuación para a Prevención de Desafiuzamentos e a Atención das Persoas afectadas asinado polo Concello de Santiago de Compostela

O obxectivo é ofrecer un recurso de asesoramento xurídico dirixida a aquelas persoas que sofren os efectos da crise económica con maior dureza, xa que vivir un proceso de desafiuzamento implica un sen fin de circunstancias estresantes que poden levar ao límite a capacidade de resposta da persoa e facilitan a aparición de efectos indirectos non desexados

O proxecto Alcer 7 vidas pretende dar a coñecer e normalizar a doazón de órganos entre as persoas que viven e visitan a cidade de Santiago de Compostela.

O obxectivo é poder sensibilizar en materia de doazón de órganos e transplantes, dando a coñecer información clara e real sobre o tema e fomentando a visibilidade positiva do feito de doar.

Persoas participantes

Alcer adaptou as actividades aos novos tempos, facendo especial fincapé no uso das novas tecnoloxías e redes sociais para seguir fomentando a mensaxe da importancia da doazón de órganos e adquisición de hábitos de vida saudable na poboación compostelá.

O Programa Promociona é un programa de apoio e orientación educativa para xóvenes xitanos/as e as súas familias, a través de aulas de reforzo, orientación educativa individualizada (familia e alumnado) e coordinación con centros educativos e outros axentes e servizos.

Os Obxectivos son:

• Favorecer a normalización educativa do alumnado xitano para conseguir tasas máis elevadas de éxito académico no último ciclo de Educación Primaria e na Educación Secundaria Obrigadoria, e promover a súa continuidade en Estudos Medios e/ou superiores e Formación profesional.
• Facilitar a transición entre Educación Primaria e Educación Secundaria Obrigatoria, a permanencia no sistema educativo e a promoción a estudos superiores.
• Xerar e potenciar as condicións necesarias para propiciar o éxito educativo da comunidade xitana e, en definitiva de toda a comunidade educativa mediante

A Cociña Económica proporciona almorzos, comidas e ceas nas suas instalación.

Como aspectos mais salientables:

• Os menús están visados por nutricionistas, e son variados e equilibrados,
• Procúrase que os usuarios manteñan unhas normas de respeto co persoal, voluntarios e co resto do usuarios, e un bo comportamento no comedor,
• A Cociña proporciona comidas para levar, cando algún dos usuarios non pode acudir ao comedor por enfermidade, razóns laborais ou outros motivos, e tamén a petición da policia local cando algún usuario atópase detido.

O obxectivo é cubrir unha das necesidades básicas das persoas beneficiarias, como é, poder ter diariamente unha alimentación equilibrada e saúdable.

Persoas participantes

As persoas destinarias principalmente son veciños e veciñas de Santiago de Compostela, e transeúntes que ocasionalmente veñan por Santiago.

Teleasistencia domiciliaria.

É un servizo técnico de proximidade, dirixido a proporcionar axuda inmediata e permanente a persoas con discapacidade ou maiores que comenzan a ter certo nivel de dependencia, a través dun dispositivo que lles permite estar conectados a unha central de axuda as 24h.
O concello de Santiago de Compostela ten asinado un convenio de colaboración con Cruz Vermella, para ofrecer á veciñanza o servizo de teleasistencia domiciliaria como recurso ponte e subsidiario á espera de poder obter o mesmo pero con carácter autonómico, se procede. O número de terminais conveniado ascende a 60.

Atención a persoas sen fogar

Proxecto dirixido ao colectivo de persoas sen fogar en situación de exclusión social severa, persoas incapaces de acceder e/ou conservar un aloxamento axeitado ben sexa por razóns económicas ou outras barreiras sociais ou por presentar outro tipo de dificultades persoais para levar una vida autónoma.
As actuacións definidas neste programa contemplan unha intervención integral e de urxente necesidade, facilitando distintas alternativas que permitan diminuír a estanza de persoas en situación de rúa, desenvolvendo actuacións de acompañamento social, de mediación, etc. e fomentando accións de promoción da saúde e autocoidados.

SEMUS Compostela

FEAFES trata de dar resposta á situación de carencias básicas pola que atravesan as persoas con enfermidade mental en grave risco de exclusión e as súas familias en Santiago de Compostela.

A actividades fundaméntase principalmente na intervención directa e nas derivacións e coordinacións cos recursos da comunidade para o tratamento destas patoloxías e a atención das súas necesidades.

O obxectivo é contribuír a mellorar a atención social e sanitaria das persoas con enfermidade mental, así como a súa calidade de vida.

O Proxecto Home desenvolve o Programa de Cocaína.

O obxectivo é favorecer a rehabilitación e reinserción social de persoas adictas aos psicoestimulantes, fundamentalmente de cocaína, que manteñen a súa estrutura familiar, social e laboral, ou que son susceptibles de recuperar estas redes sen demasiadas complicacións e cun nivel de adicción que poda permitir a ruptura co mundo das drogas e de responsabilización da súa vida desde o primeiro momento.

Persoas participantes

• Usuarios directos: Persoas con drogodependencias: 80
• Usuarios indirectos: Persoas do contorno do usuario que participan nas terapias: 90

A Asociación Itínera desenvolve o proxecto ÁGORA, de voluntariado dirixido a completar a formación académica e cultural de persoas con Trastornos Mentais Severos que pola irrupción da enfermidade non puideron continuar os seus estudos ou, nalgún caso, non tiveron acceso a eles.

Realizouse a través dun programa de voluntariado que implicou transversalmente a diversas institucións académicas, sociais, sanitarias, dándolle participación activa a cidadanía na labor de integración. Mantívose a orientación a unha mellor capacitación para o emprego, ao tempo que se superou ás tradicionais terapias ocupacionais, que teñen un carácter máis estático e rutinario.

Implementáronse clases particulares para sacar o título da ESO e de Bacharelato, complementouse con aulas de informática e idiomas, e fíxose unha inserción de obradoiros orientados ó desenvolvemento de técnicas de estudio ó longo de todo o proceso cunha perioricidade semanal.

Por outra banda, mantéñense os grupos de iniciativa cultural, cunha forte presenza de participantes como son os clubes de debate, lectura e cine.
Un ano máis levouse a cabo o Ciclo de Cine e Lúa co que se logra cada ano dar o salto á cidadanía, organizados por Itínera pero dirixidos á poboación en xeral.

Persoas participantes

Os beneficiarios das actividades da asociación encádranse dentro do grupo en risco de exclusión social debido a que son persoas e familias con algún membro que padeza algún trastorno mental severo (esquizofrenia, cadros esquizoafectivos, trastorno bipolar…) e que, como consecuencia directa da mesma, presentan discapacidade funcional, dificultades adaptativas, malestar subxectivo, illamiento, marxinación e estigma social.