A alcaldesa de Santiago, Goretti Sanmartín, e a primeira tenenta de alcaldesa, María Rozas, visitaron na mañá deste venres a carpa da Asociación Compostelá de Diabéticos instalada na Praza do Toural en colaboración co Concello co gallo do Día Mundial da Diabetes.
A rexedora animou a cidadanía a achegarse a este espazo para “poder combater, na medida do posible, esta doenza silenciosa”. Nese sentido, amosou o seu apoio á difusión de actividades, desde o asociacionismo e o activismo, a favor do comportamento activo, os hábitos saudables e de prevención para minimizar os riscos que poden levar a padecer “unha doenza que ten repercusións moi importantes na vida”.