Axudas de inclusión social (AIS)

As axudas de inclusión social (AIS) son prestacións económicas non periódicas que teñen como finalidade posibilitar ou reforzar os procesos de inclusión social das persoas ou familias en situación de exclusión social ou de risco de exclusión social, así como atender as situacións de grave emerxencia de persoas ou familias vulnerables que poidan desencadear un proceso de exclusión social.

Que servizo ofrece?

1. Vinculadas ao uso de vivenda
   • Axudas co fin de impedir o desafiuzamento.
   • Axudas que reforcen o proceso de tránsito a unha vivenda normalizada de persoas residentes en chabolas ou infravivendas.
   • Axudas para o pagamento de comunidade, auga, luz e outros, que impidan a perda de subministracións básicas.

   Importe de prestación
   O importe da axuda de inclusión social determinarase, en cada caso concreto, de acordo coa situación económica e familiar da persoa solicitante e da súa unidade de convivencia, sendo o importe límite para as axudas vinculadas ao uso de vivenda o de 2,5 veces o importe do IPREM, non podendo concederse cunha periodicidade superior a 1 vez cada 2 anos.

2. Destinadas á mellora da habitabilidade da vivenda habitual
   • Axudas á adecuación da vivenda sempre e cando os acondicionamentos sexan imprescindibles, para o mantemento da habitabilidade da vivenda habitual, así como á mellora da súa accesibilidade, co fin de adaptala ás circunstancias da persoa usuaria, sempre que quede acreditado no expediente que as condicións afectan a saúde das persoas que residan na vivenda, sen que en ningún caso proceda a súa concesión para a realización dunha rehabilitación integral da vivenda.
   • Procede a concesión destas axudas no suposto de vivendas en propiedade, así como nas cedidas cando se xustifique a autorización para a permanencia nelas e en ningún caso se concederán para a mellora da habitabilidade de chabolas ou infravivendas.

   Importe de prestación

   O importe da axuda de inclusión social determinarase, en cada caso concreto, de acordo coa situación económica e familiar da persoa solicitante e da súa unidade de convivencia, sendo o importe límite para as axudas destinadas á mellora da vivenda habitual o de 10 veces o importe do IPREM, non podendo concederse cunha periodicidade superior a 1 vez cada 5 anos.

3. Destinadas á adquisición de equipamento mobiliario básico da vivenda
   • Axudas para á adquisición de mobiliario e electrodomésticos básicos da vivenda, sempre que non sexa unha chabola ou infravivenda, cando non exista nela.

   Importe de prestación
   O importe da axuda de inclusión social determinarase, en cada caso concreto, de acordo coa situación económica e familiar da persoa solicitante e da súa unidade de convivencia, sendo o importe límite para as axudas destinadas á equipamento da vivenda habitual o de 2 veces o importe do IPREM, non podendo concederse cunha periodicidade superior a 1 vez cada 2 anos.

4. Destinadas á adquisición de mobiliario e electrodomésticos básicos da vivendaAxudas para a adquisición de alimentos, vestido e enxoval doméstico de carácter básico imprescindible para satisfacer necesidades primarias das persoas que permitan o desenvolvemento normalizado da vida diaria.
   Importe de prestación
   O importe da axuda de inclusión social determinarase, en cada caso concreto, de acordo coa situación económica e familiar da persoa solicitante e da súa unidade de convivencia, sendo o importe límite para as axudas destinadas a cubrir necesidades primarias o de 2 veces o importe do IPREM, non podendo concederse cunha periodicidade superior a 1 vez cada 2 anos
5. Destinadas á atención sanitaria e sociosanitaria non cubertas polos sistemas públicos de saúde e de servizos sociais
   • Axudas para tratamentos, elementos protésicos ou axudas técnicas que sexan decisivos para evitar un déficit sensorial, de mobilidade, de saúde ou unha situación persoal de desvantaxe que impida ou dificulte gravemente o proceso de integración social.
   • Só se concederán a persoas que non teñan acceso a outro tipo de axudas similares, destinadas á mesma finalidade, e con preferencia aos ou ás menores de idade.

   Importe de prestación
   O importe da axuda de inclusión social determinarase, en cada caso concreto, de acordo coa situación económica e familiar da persoa solicitante e da súa unidade de convivencia, sendo o importe límite para as axudas destinadas á atención sanitaria ou sociosanitaria o de 2 veces o importe do IPREM, non podendo concederse cunha periodicidade superior a 1 vez cada 2 anos.

6. Para sufragar gastos causados por actuacións complementarias e de acompañamento vinculadas aos itinerarios de inclusión social e formación
   • Axudas para adquisición de material didáctico, transporte, atención de menores ou maiores e apoio domiciliario, entre outros, cando estas axudas non estean incluídas nos conceptos cubertos pola propia Risga, polo programa formativo en que se participe ou, en xeral, polos diversos sistemas de benestar das administracións públicas.
   • Axudas de acompañamento e reforzo en supostos de persoas vítimas de violencia de xénero.

   Importe de prestación
   O importe da axuda de inclusión social determinarase, en cada caso concreto, de acordo coa situación económica e familiar da persoa solicitante e da súa unidade de convivencia, sendo o importe límite para as axudas destinadas á sufragar gastos causados por actuacións complementarias e de acompañamento vinculadas aos itinerarios de inclusión social e formación de 2 veces o importe do IPREM, non podendo concederse cunha periodicidade superior a 1 cada ano

7. Axudas para gastos extraordinarios derivados de procesos de axuste persoal, especialmente nos casos de trastornos relacionados coa drogodependencia
   Importe de prestación
   O importe da axuda de inclusión social determinarase, en cada caso concreto, de acordo coa situación económica e familiar da persoa solicitante e da súa unidade de convivencia, sendo o importe límite para as axudas destinadas á gastos extraordinarios derivados de procesos de axuste persoal de 2 veces o importe do IPREM, non podendo concederse cunha periodicidade superior a 1 cada ano.