O mércores, 7 de maio, ás 19.30 horas o Ateneo de Santiago ten programado no Salón de Actos Isaac Díaz Pardo (Praza de Salvador Parga, 4-2º) un Faladoiro, organizado polo grupo Ateneo Solidario, titulado «Os Servizos Sociais no Concello de Santiago», que contará coa participación de María Rozas, Concelleira de Servizos Sociais, e Eva González, Xefa de Sección de Servizos Sociais do Concello.
Servizo Municipal de Urxencias Sociais do Concello de Santiago de Compostela
Servicio 365 días do ano
Horario
Luns a venres de 15:00 a 8:00 h. e as 24 horas dos días non laborables.
Teléfono
112 Emerxencias
981 54 23 23 Policía Local
É o Servizo Municipal de Urxencias Sociais de Concello de Santiago. Ofrece unha atención especializada de xeito inmediato ás persoas que, de forma imprevista, se atopen en situación de vulnerabilidade social. Os obxectivos son complementar a atención dos Servizos Sociais Municipais nos horarios nos que estes non están operativos, así como apoiar o labor realizado pola Policía Local, Bombeiros e Protección Civil cando no desenvolvemento das súas función se presenten problemáticas sociais que requiran inmediatez e sistemas especializados de resposta.
Pode ser activado por:
-Calquera cidadán que observe unha situación de vulnerabilidade ou desprotección nunha persoa.
-A persoa que se sinta en situación de desprotección ou vulnerabilidade social.