A concelleira de Dereitos e Servizos Sociais, Promoción Económica e Xuventude, María Rozas, presidiu onte as primeiras reunións do proceso aberto para a creación do Consello Municipal da Infancia. Foron dúas xuntanzas nas que participaron representantes de diferentes centros educativos de Santiago e de entidades que traballan con nenos e nenas. A tenenta de alcaldesa pediulles a súa colaboración na posta en marcha dun órgano “que procura que os nenos e nenas poidan exercer o seu dereito a seren escoitados e a formar parte activa da vida municipal”.
O Consello Municipal da Infancia será un órgano consultivo no que os nenos e nenas poderán expresar as súas preocupacións, formular as súas propostas, ou participar no deseño das accións que lles afectan de maneira directa; ao tempo que reforzan a aprendizaxe en valores democráticos. Para a súa creación, desde a Concellaría de Dereitos e Servizos Sociais, co apoio da empresa Deloga, deseñouse un proceso participativo que quere implicar a todos os centros educativos de educación primaria de Santiago, as ANPAS e as entidades do terceiro sector e organizacións do tecido asociativo vinculadas á infancia. Na primeira fase, que comezou onte, celebraranse diferentes reunións e sesións informativas co profesorado, e haberá tamén reparto de materiais explicativos ás familias. Tamén se realizarán encontros co alumnado nos centros educativos para explicar o proxecto, motivar a súa implicación e recoller propostas iniciais.
A seguinte fase será a da creación dun grupo impulsor, do que poderán facer parte nenos e nenas de entre 9 e 12 anos, é dicir de 4º, 5º e 6º de Primaria, ben por iniciativa propia ou a proposta do profesorado, das ANPAS ou das entidades sociais. O traballo deste grupo impulsor definirá como vai funcionar o Consello da Infancia, que temas se tratarán nel, ou como se organizarán as reunións; ademais de traballar no futuro regulamento do Consello que deberá ser aprobado polo Pleno da Corporación. O obxectivo é que o proceso estea culminado, coa constitución formal do Consello Municipal da Infancia, antes de que remate este curso. Os rapaces e rapazas do grupo impulsor poderán facer parte inicialmente do órgano como conselleiros e conselleiras infantís.
O Consello Municipal da Infancia será un órgano consultivo no que os nenos e nenas poderán expresar as súas preocupacións, formular as súas propostas, ou participar no deseño das accións que lles afectan de maneira directa; ao tempo que reforzan a aprendizaxe en valores democráticos. Para a súa creación, desde a Concellaría de Dereitos e Servizos Sociais, co apoio da empresa Deloga, deseñouse un proceso participativo que quere implicar a todos os centros educativos de educación primaria de Santiago, as ANPAS e as entidades do terceiro sector e organizacións do tecido asociativo vinculadas á infancia. Na primeira fase, que comezou onte, celebraranse diferentes reunións e sesións informativas co profesorado, e haberá tamén reparto de materiais explicativos ás familias. Tamén se realizarán encontros co alumnado nos centros educativos para explicar o proxecto, motivar a súa implicación e recoller propostas iniciais.
A seguinte fase será a da creación dun grupo impulsor, do que poderán facer parte nenos e nenas de entre 9 e 12 anos, é dicir de 4º, 5º e 6º de Primaria, ben por iniciativa propia ou a proposta do profesorado, das ANPAS ou das entidades sociais. O traballo deste grupo impulsor definirá como vai funcionar o Consello da Infancia, que temas se tratarán nel, ou como se organizarán as reunións; ademais de traballar no futuro regulamento do Consello que deberá ser aprobado polo Pleno da Corporación. O obxectivo é que o proceso estea culminado, coa constitución formal do Consello Municipal da Infancia, antes de que remate este curso. Os rapaces e rapazas do grupo impulsor poderán facer parte inicialmente do órgano como conselleiros e conselleiras infantís.
Ademais de recoñecer a participación dos nenos e nenas como un dereito fundamental, o Consello da Infancia promoverá a igualdade de oportunidades, reforzará valores como a cohesión social e a corresponsabilidade, permitirá mellorar as políticas públicas incorporando a visión da infancia, e permitirá establecer canles de colaboración entre centros educativos, familias, profesorado, entidades sociais e administración local.
Para participar no proceso ou solicitar máis información habilitáronse o mail conselloinfancia@santiagodecompostela.gal e o teléfono 604 04 73 37.